Volda Maskin As

6 hours ago

Diverse sal frå konkursbo etter Volda Maskin.

Dette er ikkje eit innlegg eg hadde ønskt å dele på Volda Maskin si Facebook-side. Det er trist at historia enda slik. Samstundes håpar eg at flest mogleg får med seg auksjonen, slik at salet kan gi best mogleg resultat og tilføre mest mogleg verdi.
Som ofte er tilfellet i starten av ein auksjon, er det dessverre mange av dei første boda som ligg langt under verdien på gjenstandane. Eg håpar interessa aukar, slik at prisane etter kvart blir meir i tråd med den reelle verdien og at skamboda ikkje får stå.

På Auksjonen.no ligg det no ute ei rekkje gjenstandar frå tidlegare Volda Maskin. Ser at nokre budrundar går ut innan timar, mens andre har nokre dagar varigheit.

Mellom anna finn de inventar og PC-utstyr frå ein del av kontora i Furene. Mykje utstyr og inventar frå verkstaden i Furene, diverse frå VA-lageret, anleggsutstyr og mykje meir. Objekt eg har sett til no, ligg under filter Møre og Romsdal - sjå etter objekt der ein del er merka «Volda» og ein del er merka «Ørsta». Mogleg det ligg meir som ikkje er merka Volda/Ørsta, men det har eg ikkje fått informasjon om endå.

Ver merksam på å lese teksten for kvart enkelt objekt nøye. Der finn de viktig informasjon om fleire forhold, mellom anna tidspunkt for henting og andre opplysningar som er nyttige før de legg inn bod.

Med venleg helsing
Daniel Huseby ... See MoreSee Less

Volda Maskin As

2 weeks ago

Den eine konkursen etter den andre. No er også Volda Maskin historie etter 36 år. Eg har stått i kampen i 2,5 år, andre mykje lenger enn meg.

Vi får stadig høyre at norske bedrifter skal vere innovative, berekraftige, digitale, effektive og konkurransedyktige. Samtidig blir dei møtte med høgare prisar, renter, avgifter, meir byråkrati og stadig nye krav. Slik det er no, skulle nesten annleggsledarar og prosjektledarar vore juristar i tillegg, dei skulle egentlig brukt energien sin på å skape noko, ikkje slost for å få betalt for det.

Maktbalansen mellom byggherre og entrepenør kan ofte være veldig skeiv. Om økonomien er svak og du ikkje har råd til å sloss hardt nok imot, hjelper det lite kva som står i NS standarar, kontrakter eller anna. Offentlege byggherrar er i noken tilfelle ikkje noko bedre, kan være dei verste, men skal ikkje børste alle under samme kam. Det hadde heller ikkje gjort noko om MEF eller nokon andre hadde klart å vinne kampen for å gjere ein del av desse NS-standardane meir balanserte og mindre skeive i favør av byggherren. Eller kansje handlar det om korleis dei blir brukt, eksempelvis kansje fått redusert bruken av spesiell beskrivelse i postane.
Det blir berre tyngre og tyngre å drive desse prosjekta. Det er dyrt å være fattig.

Grunnarbeid skal ikkje koste noko. I enkelte andre fag eller arbeid er kansje timeraten for ein person høgare enn du i anleggsbransjen får for timen som inkluderar førar, diesel og ei stor gravemaskin.

I tillegg kjem kraftig auke i drivstoffprisar og kostnader knytt til elektrifisering, som for mange verksemder krev store investeringar utan at lønsemda nødvendigvis følgjer med. Marginane blir mindre, medan forventningane berre blir større.

Snart er det vel berre juristane og konkursadvokatane som har høgsesong.

Men spøken stoppar der.

Bak kvar konkurs ligg det menneske. Tilsette som mistar jobben. Eigarar som har brukt år – ofte tiår – på å byggje opp noko. Familiar som blir ramma. Lokalsamfunn som mistar arbeidsplassar og verdiskaping. Samarbeidspartnarar som blir råka.

Ser det blir nevnt 66 tilsette, som no ikkje lenger har jobb i VM. Men det er ikkje lenge sidan vi var mellom 70 og 80.

Dette handlar ikkje berre om éi bedrift. Det handlar om ei utvikling vi har sett altfor mykje av dei siste åra.
Korleis skal Noreg skape fleire arbeidsplassar når stadig fleire av dei som faktisk skaper dei, blir pressa ned for telling?

Det er på tide å spørje om problemet ligg hos bedriftene – eller om rammevilkåra har blitt så tunge at sjølv dei mest solide ikkje lenger klarer å bere dei.

For mange kjennes det nok som om entrepenørbransjen har vore i fritt fall i fleire år no, men vi er ikkje aleine.

Ja for dette er faktisk bere trist.....

PS: Ein betydelig del av det som etter ein konkurs blir oppført som gjeld, var før konkursen leasingavtalar (samme om dei nesten var utkjøpt eller nye).

Daniel Huseby
Tidlegare Dagleg Leiar i Volda Maskin ... See MoreSee Less